where’s chilli? Abril 24, 2008
Posted by gasti in to whom it may concern.22 comments
dine-dedicate ko ang post na ito para sa isang kaibigan nating yumao na (sa blogging world). sa mga kaibigan, concern citizens, fans at detractors ni chilli, iniwan na po nya tayo. sumakabilang ulam na po sya.
biglaan to at hindi nya rin ako kinunsulta kung ano ang dapat nyang gawin sa blog nya. siguro eh ayaw na rin nyang pigilan ko sya. akala ko nga eh nagsu-surf lang sya ng malalaswang site sa tabi ko kasi medyo pawisan ang itsura nya at parang di mapakali yun pala eh nagde-delete na pala sya ng blog. nakangiti pa sya sakin nung tinawag nya ko.
chillidobo: uy pre may malungkot akong balita..magugulat ka!
gasti: ano yun?!
chillidobo: sige punta ka sa blog mo
gasti: ha? bakit may comment ka ba? sige check ko.
chillidobo: wala basta. click mo yung link ko.
gasti: ok. (at nakita ko rin ang pahina na nakita ng iba pang nilalang na bumibisita kay chilli) ano to? dinelete mo na blog mo? sinong umaway sayo? nabuking ka na ba?
chillidobo: wala naman. basta. saka ko na lang ikukwento.
at ganun na nga ang ngyari. kitams pare-pareho lang tayo walang muwang dito. nabanggit naman nyang baka gumawa ulit sya ng blog pero hindi pa sa ngyon at malamang sa ibang katauhan na (o kaulaman). nais nya ipabatid sa inyo ang kanyang lubos na pasasalamat sa pagtangkilik, pagtikim, pagkagat, pagsubo at paglunok nyo ng mga nai-post nyang kwento. pare-pareho lang tayong nasarapan. pare-pareho lang tayong nabusog. chilli! ur da man! (apir!) sabay (utot). *palakpakan!
narito nga pala ang liham pamamaalam ng ating kaibigan na si chillidobo. ihanda na ang inyong telescope, binoculars at magnifying glass. makakatulong yun sa inyong pagbabasa ng maigi. salamat!
P.S. pasensya na at wala rin ako sa katinuan ngyon dahil sa dami kong iniisip. nasa ospital ang tatay ko simula pa lunes ng gabi. hindi pa sya makatayo dahil nahihilo sya. hindi ko sinasabi sa inyo to para magpaawa dahil ayoko ng may ganunan pang eksena. di ko alam ang iba sa inyo pero ako mahal ko ang tatay ko at sana gumaling na sya agad para makita nya at matirhan ang bahay na pinagtutulung tulungan naming ipagawa. at syempre gusto pa namin syang makasama ng matagal.
