The Invisible Blog

kung bagong salta pa lang ayo rito sa kuta ko ay malamag magtataka kayo dahil part 2 na agad ang mababasa nyo. kung interesado kayo, makikita nyo ang part 1 sa kabanatang ito ng aking buhay.

dahil sa tag ulan na tuwing hapon, pagod, pag-iipon, krisis sa bigas, inggiterong kapitbahay, at ang ultimate na rason ng paglilipat ay ang maselang pagbubuntis ni misis. yep! Happy mothers day again kay misis kung walang magiging aberya, sa December ang bertdeyan. at dahil nga sa mga yan naisipan na muna naming magbalik loob sa syudad na malinis at matiwasay. di gaya ng kasumpa-sumpang daloy trapiko sa san mateo at baku-bako/makipot na mga kalsada na pinaghaharian ng mga bobong truck (dumb truck) at patok na montalban jeepneys. pink at green na naman ang kulay ng mundo ko. balik sa lugar kung san ako ipinanganak at natutong gumawa ng anak. salamat sa mga magulang at kapatid ko na very supportive samin ni misis. pati na rin kanila hipag, bayaw at sa mga byenan ko. salamat sa isang linggong pagtira din namin dyan sa inyo.

parang kelan lang. mahirap na masarap. ganyan naman lagi ang sinasabi ng karamihan kapag nagsasarili. totoo yun. hindi naging madali ang lahat. at lalong hindi gabi gabi ay mayroong mangyayari. nakakapagod rin naman kasi. if you just realize what I just realized then we’d be perfect for each other then we’d never find another. ano gets nyo? hihi!

as usual nakakapagod maglipat ng gamit dahil may kalayuan naman talaga ang pinanggalingan namin kung tutuusin at syempre maghapong paglilinis ng kwartong matutulugan. karamihan naman ay damit lang ang hinakot namin at hindi na kasama ang mga appliances syempre di na kasya sa sasakyan yun. at maigi na ring andun lang yun sa bahay namin. balak na lang naming gawing bahay bakasyunan yung sa san mateo at maghahanap na lang kami ng isa pang bahay dito sa may marikina. mas ok talaga tumira dito. malinis.

pwede na naman akong mag alaga ng kung anu-ano..hehe! meron na kasing magbabantay habang nasa opisina ako. natutuwa ako ngyon sa mga abyssinian cavy dahil cute sila at mas malaki sa hamster pero mas maliit naman sa kuneho. maamo pa. ok rin naman yung american cavy pero saka na lang yun. nga pala meron ding cute na kuneho akong nakita..netherlands dwarf rabbit cute din yun kaya lang eh may kamahalan ng onti. yoko na muna mag alaga ng isda..maselan kasi. dedbols na naman yung mga huling isdang inalagaan ko dahil nalunod sila. aksidenteng napatay ang main switch nung nakabakasyon kami kaya isang linggo silang walang oxygen. galeng noh? ang baho na nga nung tubig nung nilinis ko eh!

at syempre hinahanda ko na rin ang sarili ko sa pagdating ng isang anghel sa pamilya namin. di ko pa lang alam kung ano ang kasarian ngyon dahil masyado pa maaga. parang mas gusto ko lalaki ulit pero wala namang problema kung babae basta wag naman sirena. hindi pa naman ako magaling mag alaga ng isda.