The Invisible Blog

normal na ang mga eksena ng mahahabang pila na makikita mo ngyon kahit saan lugar ka magpunta. at kung di ka pinalaking madupang ng magulang mo, malamang uuwi kang luhaan at babalik kinabukasan para makipagbuno ulit. kahit sa loob mismo ng bahay kelangan mo gamitin ang skills mo para hindi ka maunahan sa banyo..lalo na kung taeng tae ka na. gaya na lang kaninang umaga, pagkagising ko ay dumiretso na ko sa mesa para mag imbak ng kaunting laman sa tyan ko…para sakin isa yan sa mahirap na gawain lalo na kung di pa ako naaarawan. pero kelangan dahil ayoko naman magutuman sa byahe..ayoko rin ng kumakain sa byahe dahil di ko gustong mangamoy ang kinakain ko sa loob ng sasakyan. isunusumpa ko rin yung mga kumakain ng instant noodles lalong lalo na ng humpy dumpy sweet corn flavor sa mga sasakyang de-aircon. ang sarap mong sikmuraan sa leeg (nakatikim ka na nun?!) kahit pa babae ka. wala naman sigurong maganda at seksing babae na gagawa nun pero kung meron nga, yayain ko na lang siguro lumabas para mag-dinner..ahehe! magtatakip na lang ako ng ilong.

dahil sa kabagalan kong kumain, naunahan pa ko ni misis sa banyo. at dahil sa wala naman akong narinig na “plok! plok!” at tahimik na eksena sa banyo masasabi kong diretso ligo na ang ginawa nya. nakatapos na sya’t lahat sa paliligo. andun pa rin ako sa mesa na parang hamster sa dami ng kanin at ulam na nakapasak sa pisngi ko. di ko kasi malunok. nung nagbibihis na si misis, saka ko lang nalunok ang lahat ng kinain ko. muntik pa ko mabilaukan dahil nakalimutan kong ngumuya sa sobrang pagmamadali. pagkalagok ko ng milo na matabang ang lasa, biglang humarurot si misis papuntang banyo dahil napupupu na daw sya. at bilang isang tunay at sertipikadong gentleman slash track and field athlete, naunahan ko sya makalapit sa banyo at nagsimulang makipagpatintero..”ooops ako muna! hehe!”. pang asar lang dahil alam kong di marunong magpigil yun kapag nakaramdam ng tawag ng kalikasan..may mga araw pang kakaupo ko lang sa trono o kaya kakabuhos ko pa lang ng isang tabo ng tubig sa bumbunan ko ay saka naman nya ko kakatukin at pilit na palalabasin dahil napupupu na sya. magaling na babae. at sa muling pagpasok ko ng banyo, bigla na lang ako mapapasigaw ng “yuck bad smell! ang baho! ang bahooo!  ang bahoooo namaaaan! nyahahaha!” pagkatapos nun ay magco-collupse na ko.

binabawi ko na ang mga sinabi ko kanina. odorless ang pupu ng misis ko. di ko alam kung pano nya nagagawa yun pero kapag nakikita ko syang umuusok na ang ilong sa galit, nawawala na yung amoy. pramis! galing nga eh!

buti na lang rin at maaga ang pasok ko sa opis. di ko na nararanasan ang pagpila para makasakay noong alas nuwebe pa ang shift ko. tinutubuan na ako ng ugat noon sa katagalang pumila at kung susumahin ang bawat minuto kong late noon, aabutin ng hundred hours yun. pero dahil mahal pa rin ako ni Lord, mga 6 times lang siguro ako nahuli ng boss ko. at wala ring kinakaltas sa sweldo ko. hehe!

madalas ding mag unahan dito sa paglalaro ng psp kapag lunch time. 3 lang naman sila nagpapalit-palitan kasama si chilli. car racing ang laro at para din silang nag-racing sa pag uunahan kung sino mauuna maglaro. dati rati kung sino mauna matapos kumain pero sa katagalan kung sino na ang unang pumiyok ng first! 2nd at no choice 3rd yung mabagal. nag iinit pa lang kami ng pagkain sa microwave nyan.

isa sa mga namimiss ko nung college ay ang mga pila sa enrollment. grabe yun! di pa kasi kami computerized ng mga panahong yun kaya talagang brasuhan ang labanan bago ka makaraos. ultimo babae walang pakialam kahit malamog ang dede nila para makasingit lang sa pila. at kapag may mga pagkakataon naman na babae ang kaharap mo at nakatutok na sa kargada mo ang pwet nila, ipagpasa-Diyos mo na lang ang lahat. kahit anong galeng mo magpigil, paniguradong may kikislot dyan at syempre ayaw mo namang maramdaman yun ng babae dahil masasabihan ka pang bastos/manyak/pervert na hindi mo naman talaga kagustuhan. biktima lang kami ng mga pagkakataon.

dito nga lang sa elevator eh madalas ang punuan kapag uwian. may nakasabay ako babae mga 5″2 cguro. ok naman yung suot..pang-summer kahit pa umuulan na sa labas. tyempong napatapat sya sa harapan ko. katabi ko rin ang 2 kong opismate at dun kami nakasandal sa dulo. maluwang pa nga nun kung tutuusin pagpasok namin pero pagdating sa bandang ibaba ng floor, dinagsa kami ng pasahero at nasiksik kami. prenteng prente ang pagkakasandal ng babae sa harapan ko at pakiramdam ko eh nakahiga talaga sya sakin. gusto kong deadmahin ang sitwasyon na  yun kundi lang ngisi ng ngisi ang dalawang opismate ko. naka-steady lang ako nun at hindi kumikilos habang taimtim na nagdadasal na wag ako ipagkanulo ng pototoy ko. pagkabukas ng pinto saka lang ako nakahinga ng maayos. sa isip isip ko, ano kaya ang pakiramdam ng mga babaeng natutukan sa likod? given ng hindi pangit ang lalaki sa likuran. *ehem! ehem!